Олардың құрылысы жылдың аяғына дейін бітеді, деп хабарлайды @Pavlodarnews.kz тілшісі.

Павлодар облысының әкімі Асайын Байханов Ертіс ауданының халқымен өткен кездесу барысында ауылдардың медициналық жағдайы туралы айтты. 

– Екі ауылда медициналық бөлімше салынып жатыр. Бұл– Қызылағаш  және Қарақұдық ауылдары. Барлық жұмыстар жылдың аяғына дейін аяқтау керек, – деді облыс әкімі. 

Асайын Байханов аудан орталығында орналасқан аурухана туралы сөз қозғады. Медициналық мекеменің  тозуы 62,6 пайызды құрайды. 

– Бүгінгі таңда жөндеу жұмыстары жүргізілуде. Аурухананы күрделі жөндеуден өткізуге 72 миллионға жуық қаражат бөлінді, – деп атап өтті аймақ  басшысы.

Сондай-ақ, Ұзынсу, Панфилов, Амангелді, Қызылағаш ауылдарына жаңадан сантиарлық көліктер беріледі. Олар тамыз айында жеткізілетін болады.

Еске сала кетейік, Ертіс ауданының жұртшылығымен кездесу барысында облыс әкімі ауданда «Ауыл- ел бесігі» жобасының іске асырылуымен таныстырып өтті. Жоба бойынша келесі жылы Панфилов ауылында мектеп пен мәдениет үйі күрделі жөндеуден өтетін болады.