Қала маңында 32 камераның жөндеу жұмыстары жүргізілді, деп хабарлайды @Pavlodarnews.kz.

Ленин кенті әкімдігінің мәліметінше, «РОБИХА» ЖК мердігерлік ұйымы бұрын орнатылған бейнебақылау камераларының  электр қуатын тұрақтандырғыш блогы орнатылып, коммуникациялық шкафтар мен 220 вольтты электрмен жабдықтау кабелі ауыстырылды. 

– Сондай-ақ оптико-талшықты кабельді монтаждау жүргізілді. Бұл жұмыс түрлері нақты уақыт тәртіптемесінде байланыс сапасы мен камералардың жұмысын жақсартуға мүмкіндік берді. Тұрғындардан абаттандыру ережелерін сақтауды және кенттің абаттандыру ережелерінің бұзылуына жол бермеуді сұраймыз, – делінген хабарламада.

Камералардың бейнелеріне қол жеткізу үшін полицияның тірек пунктінде және әкім аппаратының ғимаратында болады.