Саладағы ең аз жылдық баға өсімі өңірде  0,8% тіркелді, деп хабарлайды @Pavlodarnews.kz тілшісі.

Еnergyprom.kz сарапшыларының мәліметінше, 2023 жылдың екінші тоқсанында ҚР-да негізгі және жалпы орта білім беру секторында қызмет көрсету көлемі 782,8 млрд теңгені құрады. Бұл былтырғыдан 17,5% артық.

Өңірлер бойынша қызмет көрсетудің ең үлкен көлемі Түркістан облысына тиесілі: 94,9 млрд теңге – былтырғыдан 11,6% артық. Одан кейін Алматы облысы (71,7 млрд теңге, бір жылда 32,4% көбейген) және Алматы (58,4 млрд теңге, 24% көбейген).

Ең төменгі көрсеткіштер Ұлытау (6,2 млрд теңге), Солтүстік Қазақстан (24,1 млрд теңге) және Павлодар (24,8 млрд теңге) облыстарында.

Өңірлер бойынша бағаның ең көп өсімі Атырау облысында байқалды: 22%. Одан кейін Шығыс Қазақстан (19,6%) және Жамбыл (18,2%) облыстары. Саладағы ең аз жылдық баға өсімі Павлодар облысында тіркелді: 0,8%.

Еліміздің 20 өңірінің алтауында баға былтырғы тамыздағы деңгейінде қалды. Атап айтқанда, бұл өңірлер – Ақмола, Ақтөбе, Алматы, Жетісу, Қарағанды және Ұлытау облыстары.