Аймақтағы эпизоотиялық жағдай тұрақты болып қала береді, деп хабарлайды @Pavlodarnews.kz тілшісі. 

Павлодар облысының ветеринария басқармасы 2024 жылғы І жартыжылдықтағы ветеринариялық іс-шаралар жоспарының орындалуы бойынша қорытындыны шығарды.

– І жартыжылдықта жануарлардың аса қауіпті ауруларын диагностикалау жөніндегі жоспарды орындау шеңберінде бруцеллезге 291 610 бас ІҚМ (орындалуы 106%), 353 932 бас ұсақ мал (орындалуы 108%) зерттелді. Бұл ретте 1 663 бас жануардың ауруға шалдыққаны расталды, – деді басқармада. 

Сонымен қатар, 2024 жылға құтыруға, күйдіргіге, эмфизематозды карбункулға, пастереллезге, нодулярлы дерматитке, туберкулезге және жануарлардың басқа да ауруларына қарсы вакциналау жүргізу жоспарланған.

Алты айдағы жоспар 94% орындалды.  Жоспардың орындалмауы ветеринарлық препараттарды кеш жеткізумен байланысты.