Биыл республикалық маңызы бар автокөлік жолдарына ауқымды диагностика жүргізіледі, деп хабарлайды @Pavlodarnews.kz тілшісі.

Жоспарға сәйкес, өңір аумағынан өтетін 1359 шақырым жол тексеріледі.

Жұмыстарды Жол активтерінің ұлттық сапа орталығы филиалының мамандары жүргізеді.

– Тексерудің негізгі мақсаты – жол жабынының қазіргі жағдайын анықтау, ақауларды және жөндеу немесе қайта жаңғыртуды қажет ететін учаскелерді айқындау. Алынған деректер жол желісін күтіп ұстау мен дамытуды одан әрі жоспарлауға негіз болады, – деп хабарлады орталықта. –

Диагностика халықаралық және өңіраралық бағыттарды да қамтитыны белгілі:

• ҚХР шекарасы – Майқапшағай – Қалбатау – Семей – Павлодар – РФ шекарасы (Үрлітөбе өткізу пункті),

• Астана – Шідерті – Павлодар – Успенка – РФ шекарасы (Қосақ),

• Қызылорда – Жезқазған – Қарағанды – Шідерті,

• Ертіс өзені арқылы өтетін көпірмен бірге Павлодардың батыс айналма жолы,

• Павлодар – Шарбақты – РФ шекарасы,

• Қалқаман – Баянауыл – Үміткер – Ботақара,

• Атамекен – Ертісск – РФ шекарасы,

• Атамекен – Ақсу – Көктөбе – Үлкен Ақжар – Курчатов.

Өткен жылы өңірде шамамен 1300 шақырым автокөлік жолы тексерілген болатын.