Бұл уақыттың артқа жылжуымен байланысты, деп хабарлайды @Pavlodarnews.kz тілшісі.

Қазақстан мұсылмандары діни басқармасының мәліметінше, 2024 жылдың 29 ақпанынан 1 наурызға қараған түні сағат 00:00-де Астана, Алматы, Шымкент, Абай, Ақмола, Жамбыл, Жетісу, Қарағанды, Қостанай, Павлодар, Солтүстік Қазақстан, Түркістан, Ұлытау және Шығыс Қазақстан облыстары жергілікті уақытты 1 сағатқа артқа жылжытады. Осылайша, еліміздің барлық аймағы 5-ші сағаттық белдеуде орналасады.

Бұл күні сағат 00:00-де Қазақстан бойынша UTC +5 уақытына ауысқан сәтте намаз уақыттары да автоматты түрде өзгереді. Сонымен қатар, жұма намазының уақыты да өзгермек. Павлодар облысында жұма намазы 1 наурыздан кейін сағат 13:15-те оқылатын болады. 

Айта кету керек, Қазақстан мұсылмандары діни басқармасының ресми www.muftyat.kz  сайтындағы намаз кестесінен өздеріңізге қажетті ауыл мен қаладағы намаз уақыттары жайлы мәліметтерді алуға болады.

Фото:muftyat.kz