Синоптиктер ауа райы болжамын жариялады, деп хабарлайды @Pavlodarnews.kz.

«Қазгидромет» РМК-ның мәліметінше, 4 наурызда қар жауып, боран соғады. Облыстың оңтүстік, шығысында тұман түседі. Сынап бағанасы түнде -10...-15°С, ал күндіз -3...-8°С, облыстың шығысында -11°С көрсетеді. 

5 наурызда да қар жауып, боран соғады. Облыстың оңтүстік, шығысында тұман күтіледі. Ауа температурасы түнде  -13...-18°С, ал күндіз  -3...-8°С, облыстың шығысында  -11°С-қа дейін төмендейді. 

6 наурызда боран соғады. Сынап бағанасы түнде  -10...-15°С, облыстың шығысында  -18°С, ал күндіз 0...-5°С көрсетеді. Желдің жылдамдығы облыстың батысында, солтүстігінде, оңтүстігінде секундына 15-20 метрге дейін жетеді. 

7 наурызда түнде облыстың солтүстігінде, шығысында қар жауып, боран соғады. Ауа температурасы түнде -10...-15°С, облыстың шығысында  -18°С, ал күндіз  -2...+3°С-қа дейін жылынады. 

Халықаралық әйелдер күнінде жауын-шашын күтілмейді. Сынап бағанасы түнде  -4...-9°С, ал күндіз -2...+3°С-қа дейін көтеріледі. 

Жексенбіде түнде облыстың батысында қар жауып, боран соғады. Күндіз қар аралас жаңбыр жауып, көктайғақ болады. Ауа температурасы түнде  -1...-6°С, ал күндіз 0...+5°С-қа дейін жылынады.