Ұйымдастырушылар қатысушыларға керемет көңіл күй сыйлайды, деп хабарлайды @Pavlodarnews.kz. 

Жазғы жұмыспен қамтуды облыстық «Жасыл ел» штабы қамтамасыз етеді. 

– Өз жұмысына «ЭКО-Жастар» экологиялық жасағы ынта-жігермен және табиғатқа қамқорлықпен кірісті. Олардың әр таңы енді телефоннан емес, қолғап пен кетпен ұстаудан басталады. Олар осылайша табиғатқа үлкен қамқорлық жасауды үйренеді,  – деді жасылелдіктер. 

Балалар бір ай бойы сүйікті қаламыздың игілігі үшін – гүлзарларды ретке келтіру және қопсыту,  көшелерді көріктендіру, арамшөптерді жұлу жұмыстарымен айналысады. 

Ұйымдастырушылардың айтуынша, «ЭКО-Жастар» айналасындағыларды жақсылыққа үндеп, экологиялық жауапкершілікке шабыттандырады.