Оқиға салдарынан екі жұмысшы дәрігерлердің қарауынан өтті, деп хабарлайды @Pavlodarnews.kz тілшісі.

№5 қазандық агрегатын іске қосу жұмыстары кезінде құбырдың герметикалығы бұзылып, қатты дыбыспен қатар жүрген оқиға болды.

– Сол уақытта №4 қазандық агрегатында күрделі жөндеу жұмыстары жүргізіліп жатқан. Мердігер ұйымның бір қызметкері қатты дыбыстан кейін құлағының тұнып қалғанына шағымданса, екіншісі жұмыс орнынан шыққан кезде тобығын ауыртып алған, – деді «ПАВЛОДАРЭНЕРГО» АҚ баспасөз қызметі.

Кәсіпорынның мәліметінше, екі қызметкер де медициналық тексеруден өтіп, үйлеріне жіберілген.

Қазіргі уақытта станция жабдықтарының жұмысы бақылауда.

Кәсіпорын тұрғындарды тек ресми ақпарат көздеріне сүйенуге шақырды.