Павлодарда бірқатар үйлерге қашан ыстық су беріледі?
Қалада жаңа ТМ-13 жылу магистралі салынып, жылу желісі қайта жаңғыртылуда, деп хабарлайды @Pavlodarnews.kz тілшісі.
Павлодар әкімдігінің ақпараты бойынша, жаңа 13-ЖМ жылу магистралінің құрылысына, сонымен бірге жылу желісін қайта құруға байланысты бірқатар көпқабатты тұрғын үйлерді ыстық сумен жабдықтауға қосу кезең-кезеңімен жүзеге асырылады.
20 қыркүйекте Шөкин көшесі, 159/3, 169/1, Қамзин көшесі, 80, 106, 160, Павлов көшесі, 93/1, 95/1, 97/3, 146, Расковая көшесі, 1/1 мекенжайлары бойынша үйлерге ыстық сумен қамтамасыз етіледі.
Айта кетейік, бұл жылыту маусымының қауіпсіз өтуі үшін қажетті шаралар екендігі ескертілді.
