№ 5512 әскери бөлімнің он бір жауынгері еліміздің жоғары оқу орындарына білім беру гранттарына ие болды, деп хабарлайды @Pavlodarnews.kz тілшісі.

Әскери бөлім командирінің тәрбие-әлеуметтік-құқықтық жұмыс жөніндегі орынбасары Рүстем Ғабдуллиннің айтуынша, Ұлттық ұланда әскери қызметшілер дайындықтың бірнеше кезеңінен өтеді. Біріншіден, негізгі әскери дағдылар және қызмет түріне бейімделу. Содан кейін арнайы пәндер, соның ішінде қоғамдық тәртіпті сақтауға байланысты. Сарбаздар әкімшілік және қылмыстық заңнама нормаларын зерделейді, құқықтық тәртіп саласында теориялық білім алады, сондай-ақ күн сайын жауынгерлік және мемлекеттік-құқықтық дайындықпен айналысады.

– Дәл практикалық және теориялық нәтижелердің жиынтығы рейтингті қалыптастырады. Бұл сарбазға тестілеу нәтижелері бойынша грантқа үміткер болуға мүмкіндік береді, – деп түсіндірді Ұлттық ұлан майоры. – Еліміздің Қарулы Күштері қатарына шақырылған Қазақстан Республикасының әрбір азаматы «Срочник 2.0»  бағдарламасы бойынша жоғары оқу орнына түсе алады. 

Оның айтуынша, комиссия кандидаттардың қорытынды деректерін қарайды, ұсыныс хаттарды қалыптастырады және оларды білім беру мекемелеріне жібереді. Университеттер үміткерлерді өз бетінше таңдайды және оларға гранттар бөледі. Бағдарламаға қатысушылар үшін квота бар – жылдық жиынтықтың 25 пайызы, бұл қабылдау мүмкіндігін айтарлықтай арттырады. Бұл ретте әрбір сарбаз бірден үш жоғары оқу орнына құжаттарды тапсыра алады.

Бағдарламаның жан-жақты талдауы мерзімді қызметті нақты әлеуметтік қолдауға айналдырады. Ол ондаған көрсеткіштерді, жауынгерлік дайындықтың қандай да бір деңгейін, тәртіптің сақталуын, психологиялық тұрақтылықты, қызмет барысында көрсетілген жетістіктерді ескереді. Жас жауынгерлер тек әскерден өтіп қана қоймай, азаматтық өмірде өз орнын табуға немесе жаңа деңгейде әскери мансапты таңдауға мүмкіндік алады.

– Мен ұшқыш болуды армандадым, бірақ қызметке дейін авиациялық училищеге түсе алмадым. Тағдырдың қалауымен, Ұлттық ұланның қатарына кіріп, өзімді көрсете білдім. «Срочник 2.0» бағдарламасы бойынша өтіп, жоғары оқу орнына түсуге көптен күткен мүмкіндікке ие болдым, – деп бөлісті шымкенттік сарбаз Абылай Оңғарбай.  

Енді ол Т.Бигелдинов атындағы Әуе қорғаныс күштері Әскери институтының курсанты атанады. Онда ол майдандық авиация ұшқышы мамандығын оқиды.

Сондай-ақ, грантқа іріктеуден өткендерге запастағы офицер біліктілігін алу үшін қандай да бір конкурссыз әскери кафедрада оқуға таңдау беріледі. Бұл бағдарламаны өз мансабын мемлекеттік және әскери өмірмен байланыстырғысы келетіндер үшін ерекше тартымды етеді.