Сот оны жұбайын әдейі суға батырып өлтіргені үшін кінәлі деп таныды, деп хабарлайды @Pavlodarnews.kz тілшісі.

Облыстық қылмыстық істер жөніндегі мамандандырылған ауданаралық соты пайдакүнемдік ниетпен әйелін өлтірген ер адамға қатысты үкім шығарды.

Сот материалдарына сәйкес, айыпталушы К. мен оның жұбайы арасында құны 125 миллион теңгеден асатын коммерциялық кәсіпорынға байланысты ұзақ уақыт мүліктік жанжал болған. Әйел некені бұзуға шешім қабылдаған, ал айыпталушы бұл жағдайда кәсіпорын бөлінбейтіндіктен өзінің материалдық жағдайына қауіп төнеді деп есептеген.

Осыған байланысты ол жұбайын мұрагерлік жолмен кәсіпорынға иелік ету және қаржылай пайда табу мақсатында өлтіруді жоспарлаған.

Тергеу барысында 2024 жылдың тамыз айының ортасында К. әйелімен бірге қайықпен өзеннің «Михайловна» арнасы арқылы Ақсу қаласы бағытына бет алғаны анықталды. Сол сәтте әйел қайықтың шетінде отырған кезде, айыпталушы қайықты әдейі тербетіп, оның суға құлауына себеп болған.

Одан кейін ер адам әйелінің судан шығуына мүмкіндік бермей, оны су астында ұстап, қасақана батырып жіберген.

Салдарынан жәбірленуші тыныс алу жолдарының сумен бітелуінен туындаған механикалық асфиксиядан оқиға орнында көз жұмған.

Сот үкімімен айыпталушы кінәлі деп танылып, оған қатысты жаза тағайындалды.