Екеуі де аман қалды, деп хабарлайды @Pavlodarnews.kz.

Облыстық балалар ауруханасының мәліметінше, 19 маусымда сағат 18:30-да екінші қабаттан бала құлағаны туралы хабарлама түсті. Дәрігерлер 2022 жылы туған ер балада ішкі ағзалары зақымданды деп күдіктенуде. 

– Анасы баласы қонақта болған кезде әйнектен құлағанын айтты. Баланы хирург тексеріп, ультрадыбыстық зерттеу жасалды. Ол шұғыл түрде хирургиялық бөлімшеге жатқызылды, – деді аурухананың баспасөз хатшысы Камила Даирова. 

Дәл сол күні тағы бір бала жарақат алды. Кешкі сағат 17:30-да 2024 жылы туған бала үшінші қабаттан құлап, үйдің кіреберісіндегі шатырға құлады. 

– Баланың жағдайы орташа ауырлықта деп бағалануда. Оған рентген жасалды. Сүйек патологиясы анықталған жоқ. Бала травматология бөлімінде жатыр, – деді ол.

Жарақат алған ұлдарға барлық қажетті емдеу және диагностикалық шаралар жүргізілуде.