Спорттық іс-шара Тәуелсіздік күніне орай өтті, деп хабарлайды @Pavlodarnews.kz

Таеквон-до ГТФ «THE SPIRIT OF DESHT-I-KIPCHAK - V» ашық облыстық чемпионаты облыстық дене шынықтыру және спорт басқармасының және Павлодар облысының жауынгерлік өнер қауымдастығының қолдауымен өтті.

Чемпионатқа Павлодар, Астана, Екібастұз, Солтүстік Қазақстан облысы мен Маңғыстау облысының 250-ден астам спортшысы қатысты.

Жалпы командалық есептің қорытындысы бойынша бірінші орын Павлодар қаласы, екінші орын Екібастұз қаласының, үшінші орынды Маңғыстау облысы мен Астана қаласының спортшылары иеленді.