Өмірлік қиын жағдайға тап болған отбасыларға қолдау көрсетілді, деп хабарлайды @Pavlodarnews.kz.

Халықаралық отбасы күні қарсаңында Жастар бастамаларын дамыту орталығы «Şanyraq» жобасы аясында «Ізгілік жолында»  акциясын өткізді.

Еріктілер мен жас кәсіпкерлерінің арқасында 10 мұқтаж отбасыға азық-түлік жинақтары мен қажетті тауарлар табысталды.  

– Бұл акция – мейірімділік, жанашырлық пен әлеуметтік жауапкершілігі жоғары адамдарды тоғыстырып, шынымен көмекке мұқтаж жандарға қолдау көрсетудің үлгісі болды, – деді Жастар бастамаларын дамыту орталығында. 

Акцияның мәні – қоғамның ұжымдық күш-жігері арқылы мейірімділік пен адамгершіліктің күшін көрсету. Қаржылық қиындықтарға тап болған отбасылар негізгі азық-түлік пен қажетті қажетті тауарларды қамтитын азық-түлік жиынтықтарын ала алады. 

«Ізгілік жолында» акциясы қиын жағдайға тап болған отбасыларды қолдап қана қоймай, жастар арасында, оның ішінде ісін жаңа бастаған кәсіпкерлер арасында әлеуметтік жауапкершілікті дамытуды ынталандырады. Олардың жобаға қатысуының арқасында отбасын қажетті өнімдермен қамтамасыз етіп қана қоймай, халықтың осал топтарын қолдау мәселелеріне назар аударуға болады.

Посмотреть эту публикацию в Instagram

Публикация от Жастар Орталығы Павлодар (@crmi_pvl)