Азаматтық қорғау қызметкерлерінің жас буынына арналған батылдық сабағы өткізілді,деп хабарлайды @Pavlodarnews.kz тілшісі.

Павлодар облысы ТЖ департаментінде Ұлы Отан соғысындағы Жеңістің 80 жылдығына және Кеңес әскерлерінің шектеулі контингентін Ауғанстаннан шығарудың 36 жылдығына арналған дөңгелек үстел өткізілді.

Іс-шараның мақсаты – ұрпақтар сабақтастығын нығайту, тарихты құрметтеу, патриотизм мен азаматтық белсенділікке тәрбиелеу.

Іс-шараға Ауғанстан Республикасындағы әскерлердің халықаралық контингенті құрамында, Таулы Қарабах пен Тәжік-Ауған шекарасындағы этносаралық қақтығысты реттеуге қатысқан әскери қызметшілер мен ардагерлер қатысты.

–   Тек ұйымшылдық, төзімділік, батылдық және Отанға, туыстары мен жақындарына деген үлкен сүйіспеншілік жауынгерлерге осы соғысқа төтеп беруге және батырлардың үйлеріне оралуына көмектесті. Бір кездері сарбаздар ата мен әкелердің естеліктерін ұятқа қалдырмады және біз әскери борышымызды абыроймен орындадық, – деп атап өтті ардагер Қуандық Ахметов.

ТЖ департаменті бастығының орынбасары, полковник Олег Трещев төтенше ведомство басшылығы мен жеке құрам атынан ардагерлерге әскерде белсенділік танытқандары үшін және өңіріміздің гарнизонының өртке қарсы қызметінде лайықты қызметі үшін зор алғысын білдірді.

Демобилизациядан кейін алты сарбаз өртке қарсы қызметіне келді. Олар – Айнабек Жаналинов, Талғат Тұрлыбеков, Еркін Жетпісов, Амангелді Мусин, Юрий Ефимов - олардың барлығы әр жылдары өрт сөндіру бөлімдерінде қызмет етіп, лайықты демалысқа шықты.

–   Олар лайықты демалыста болса да, еңбек етуді, белсенді қоғамдық жұмыстармен айналысуды жалғастыруда, – деді ол.

Кездесу барысында жас қызметкерлер алдында қорғаныс істері департаментінің ардагерлер кеңесінің төрағасы Жан Қайыркенұлы Қаратаев, әскери – патриоттық тәрбие қауымдастығының төрағасы, Павлодар облысы қоғамдық кеңесінің мүшесі ОлегНиколашин сөз сөйледі.

Іс-шараға қатысушылар өртке қарсы қызмет ардагерлеріне, Ұлы Отан соғысына қатысушыларға арналған «Ұлы Жеңіс: ерікке тағзым, ұрпаққа үлесі» атты фотокөрмені тамашалады.