Қолға үйретілген жануарлар үшін әркім өзі жауап береді, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, ағымдағы жылдың басынан бастап полиция қызметкерлері үй жануарларын ұстау және серуендету ережелерін бұзғаны үшін 196 иесін жауапқа тартты.

Қала тұрғыны полиция бөлімшесіне үлкен итті тұмылдырықсыз серуендететін, сол арқылы өтіп бара жатқан адамдарды қорқытатын адамға қатысты шаралар қабылдауды өтінген.

–    Кенжекөл ауылының маңындағы көліктер арасындағы жолда мойынтағы бар ит жүгіріп келе жатқаны туралы арыз түсті. Учаскелік полиция инспекторлары иттердің иелерін анықтап, жауапқа тартты, – деп хабарлады департамент.

Иттің иелері олардың иттері ешкімге тиіспейді деп өздерін ақтамақ болған. Сонда да полиция үй жануарларының барлық әрекеттері үшін иелері жауап беретінін және итті ұстау ережелерін сақтап, итті ешқашан қоғамдық орындарда қарғыбаусыз жібермеудің маңызды екенін еске салды.

Сонымен қатар, үй жануарларын қоғамдық тамақтандыру кәсіпорындарында, сервистік қызмет көрсету сауда дүкендерінде, мәдени мекемелерде, балалар, білім беру, медициналық ұйымдардың үй-жайларында ұстауға жол берілмейді.