Оларға сертификаттар мен кубоктар табыс етілді, деп хабарлайды @Pavlodarnews.kz тілшісі.

Қалалық мәдениет және демалыс саябағының сахнасында «Жыл спортшысы» салтанатты шарасы өтті. Олимпиадалық, олимпиадалық емес, паралимпиадалық, ұлттық спорт түрлері бойынша спортшылардың, сондай-ақ олардың жаттықтырушылары мен спорт ардагерлерінің жетістіктері атап өтілді. Олардың қатарында боксшы Ерболат Сабыр, гимнаст Виктория Бутолина, биатлоншы Дарья Климина, палуан Ернұр Нұрғазы, жаттықтырушылар Ольга Афанасьева, Талғат Қасымов, Азамат Мақажанов және басқа да саңлақтар болды.

- Біздің Павлодардың даңқын Қазақстанда ғана емес, шетелде де асқақтатып жатқандарыңыз үшін қала басшылығы атынан шын жүректен алғыс айтамын, - деп спортшыларды құттықтады Павлодар қаласы әкімінің орынбасары Светлана Гладышева. - Сіздердің жеңістеріңіз біздің шағын қаламызды үлкен, қуатты спорттық державаға айналдырды. Сіздердің жеңістерің өскелең ұрпақ үшін үлгі-өнеге. Павлодарда спортшылар көбейе берсін, спортты дамыту үшін барлығын жасаймыз.

Майқайың балалар-жасөспірімдер мектебінің директоры Өміртай Шәріпжанов өткен жылы қазақ күресінен ардагерлер арасында қатарынан үшінші рет Қазақстан чемпионы атанды. Ол Павлодар қаласының спорт басшылығына ардагерлер спортына көңіл бөлгені үшін алғыс айтып, әріптестеріне алдағы уақытта да жеңістер тіледі.

Салтанатты шара барысында медицина қызметкерлері арасындағы 53-ші спартакиада жеңімпаздары да марапатталды. Жоғары медициналық колледжі бірінші орынды иеленді. Облыстық перинаталдық орталық күтпеген жерден үздік үштікке енді.

– Жүлделі орын алғанымызға қуаныштымыз. Бізге бұл күтпеген жағдай екенін айтты, өйткені біздің қызметкерлердің көпшілігі әйелдер. Соған қарамастан біздің ұжымның көптеген мүшелері спортпен, дене шынықтырумен белсенді айналысады. Біздің жетістігіміз тек ең жақсы көрсеткіш деп есептеймін, - дейді орталық директоры Гүлнар Бұратаева.

Спартакиада жүзу, футбол, оқ ату және шаңғы тебуден өтті.

Спортшыларға «Magic dance» үлгілі эстрадалық және спорттық би ансамблі, Дина Мэлс, Гүлдана Ботогөзова және Бауыржан Ахметов өнер көрсетті.