Жарыс Қазақстан Республикасы Конституциясы мен ТЖМ-нің 30 жылдығына орай ұйымдастырылды, деп хабарлайды @Pavlodarnews.kz тілшісі.

Облыстық төтенше жағдайлар департаментінің мәліметінше, бұл турнирдің басты мақсаты – қызметкерлердің кәсіби шеберлігін арттырып, салауатты өмір салтын насихаттау.

Жарысқа 10 командадан 120 спортшы қатысты. Әсіресе финалдық ойын тартысты өтті. Шешуші кездесуде төтенше жағдайлар департаменті (ТЖД) және полиция департаменті командалары чемпион атағы үшін бақ сынасты. Қиын бәсекеде ТЖД командасы жеңіске жетіп, турнир кубогын жеңіп алды.

Үшінші орынды ұлттық қауіпсіздік комитеті департаментінің (ҰҚКД) командасы иеленді.

Айта кетерлігі, құтқарушылардың жұмысы мықты физикалық дайындықты талап етеді. Сондықтан ТЖД қызметкерлері үнемі спортпен шұғылданып, әртүрлі жарыстарға белсенді қатысып отырады. Турнир достық және жағымды атмосферада өтіп, қатысушылардың барлығы жоғары спорттық рухты көрсетті.