LED-шамдары орнатылған автокөліктерді анықтау бойынша жұмыстар жүргізілуде, деп хабарлайды  @Pavlodarnews.kz тілшісі.

Облыстық полиция департаменті баспасөз қызметінің мәліметінше, жүргізушілер автомобиль нарығын әртүрлі жаңа және заманауи жабдықтармен толықтыруға байланысты көбінесе ел заңнамасының нормаларын бұзады. Автокөлікті соңғы технологияға сәйкес өзгерту үшін көліктеріне жарықдиодты жарықтандыру орнатады. Тек бір күнде төрт бұзушылыққа жол берілмеді. 

– Н.Назарбаев даңғылы-Ломов көшесінің қиылысында  жүргізушісі жарық аспаптарының конструкциясына өзгерістер енгізген, яғни тұманға қарсы шамдарға LED-шамдарды орнатқан «Volkswagen Passat» автокөлігі тоқтатылды. Көлік құралын пайдалану ережелерін бұзғаны үшін жүргізуші жазаланып, 15 АЕК мөлшерінде айыппұл салынды. Бұдан басқа, бұзушылық жойылғанға дейін мемлекеттік нөмірлік белгілер тәркіленді, – деп хабарлады департаментте.

Көлік иесінің өз көлігін жетілдіруге деген ұмтылысы заңнамаға қайшы келмеуі керек. Сондықтан белгілі бір элементтерді орнатпас немесе бөлшектемес бұрын тиісті ақпарат алу қажет. 

Көлік құралдарын пайдалану ережелеріне сәйкес, егер сыртқы жарық құрылғыларының саны, түрі, түсі, орналасуы және жұмыс режимі көлік құралының дизайн талаптарына сай келмесе, тыйым салынады. 

Айта кетерлігі, 2024 жылы осындай бұзушылықтар үшін полицейлер 705 бұзушылықтың жолын кескен.

Посмотреть эту публикацию в Instagram

Публикация от Организация (@dp_pavlodar)