Павлодарда монша жанды
![Павлодарда монша жанды](https://pavlodarnews.kz/uploads/images/202308/image_750x_64e851a34c9f5.jpg)
Зардап шеккендер жоқ, деп хабарлайды @Pavlodarnews.kz тілшісі.
Облыстық ТЖД баспасөз қызметінің мәліметінше, Малайсары батыр көшесі, 19/1 мекенжайы бойынша 25 тамызда сағат 02.56-да өрт шыққаны туралы хабарлама түскен.
– Жеке меншік аумақта орналасқан бір қабатты ағаш моншаның 247 шаршы метр аумақта төбесінің ағаш құрылымдары мен төбе қоршауы жанған. Салдарынан шатыры опырылып түскен, – дейді департаментте.
Тілсіз жау сағат 03.43-те ауыздықталып, сағат 04.23-те толығымен жойылды. Өрттің шығу себебі мен келтірілген шығын көлемі анықталуда.
Оқиға орнында 6 техника мен 23 қызметкер жұмыс істеді.