Оған Қостанай, Солтүстік Қазақстан, Қарағанды, Абай облыстарынан келген қатысушылар қатысты, деп хабарлайды @Pavlodarnews.kz.

Павлодар қаласының №7 мектебінде «Павлодар дарыны» орталығының ұйымдастыруымен республикалық «Ұлтқа қызмет ету білімнен емес, мінезден» пікірсайыс турнирі өтті.

Ойын тақырыптары–білім, жасанды интеллект, экономика, денсаулық, оқушылардың әлеуметтенуі, оқушылар арасындағы буллинг және «Алаш» қозғалысы туралы болды. Турнир барысында «Жаңа көзқарас» пікірсайыс мектебінің үш жылдық жетістіктері және «Қыр баласы» ғылыми институтының кітаптары көрмеге қойылды. 

Турнирдің екінші күні оқушылар БПФ және ЛД форматтарында финалдық ойындар ойнады.

Турнирдің қорытындысы бойынша «Үздік фракция» номинациясын Қостанайдан келген «Шоқан шәкірттері»тобы, ал  «Үздік конструктивті ой» номинациясын СҚО-дан келген «Фемида» командасы және павлодарлық «Justice» иеленді. «Үздік сараптамашы» номинациясын павлодарлық  «Шабыт»және «Жас зияткер» топтары атанды. 

Бетта лигасында үшінші орынды СҚО командалары «Шам мен Шырақ» және «Альфа», екінші орынды семейлік«Оа»  және бірінші орынды қостанайлық «Коста Рико» командасы жеңіп алды.

Альфа лигасында үшінші орынды семейлік «Ландыш және Екібастұздан келген «Эспада», екінші орынды қарағандылық «Nurmakov A» және турнирдің негізгі жүлдесін  павлодарлық «Ұшқын» командасы алды.  

Турнир жүлдегерлері бағалы сыйлықтармен және дипломдармен марапатталды.