Баланы іздеуге кезекші нарядтар мен патрульдік экипаждар тартылды, деп хабарлайды @Pavlodarnews.kz.

Қалалық полиция басқармасына баланың жоғалғаны туралы хабарлама түсті. Алдын ала мәлімет бойынша, бала ауладан шығып, белгісіз бағытта кетіп қалған.

Оқиға орнына бірден полиция қызметкерлері жіберіліп, жағдай ерекше бақылауға алынды. Іздестіру жұмыстарына кезекші нарядтар мен патрульдік экипаждар тартылды.

Жедел атқарылған шаралардың нәтижесінде бала аман-есен табылып, ата-анасына тапсырылды. Оның өмірі мен денсаулығына қауіп төнген жоқ.

Полиция ата-аналарға кішкентай балаларды қараусыз қалдырмау қажеттігін ескертеді. Бар болғаны бірнеше минуттың өзі қауіпті жағдайларға әкелуі мүмкін. Осындай жағдайларда дереу полицияға хабарласу маңызды — уақытылы хабар беру оқыс оқиғалардың алдын алуға мүмкіндік береді.