Зардап шеккен полицейге медициналық көмек көрсетілді, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, 19 сәуір күні таңертең сағат 06:30-да Павлодар полиция басқармасының «102» пультіне 15 жасар қыз бала әкесінің анасын ұрып-соғып жатқанын хабарлаған. 

Аталған мекенжайға полиция капитаны Алмаз Жақыпов пен полиция лейтенанты Исин Төлегеннен тұратын автопатруль дереу жіберілген. 

– Кіреберістегі қызметкерлерді өтініш берушінің өзі қарсы алды. Ол әкесі оны ұрып-соғып, пәтерде анасын ұрып жатқанын түсіндірді. Мас күйінде болған 40 жастағы ер адамды ұстау кезінде ол қарсылық көрсетіп, полиция капитаны Алмаз Жақыповтың сол қолының буынына пышақ  салды. Ер адам жарақат алғанына қарамастан,  залалсыздандырылды және ұсталды, – деді департаментте. 

Сарапшының қорытындысына сәйкес, ер адам орташа дәрежеде мас болған.

Шабуыл фактісі бойынша ҚР ҚК 380-бабы (Билік өкіліне қатысты зорлық-зомбылық қолдану) және ҚР ҚК 109-1-бабы («Ұрып-соғу») бойынша қылмыстық істер қозғалды.