Өңірде көлік инфрақұрылымын жаңғырту жоспарланып отыр, деп хабарлайды @Pavlodarnews.kz.

– Біз Еуропалық қайта құру және даму банкімен 70 жаңа төменгі қабатты трамвай сатып алуға қаражат тарту бойынша келіссөздер жүргіздік. Сатып алу екі кезеңде жоспарланған: биыл 40 және келесі жылы – 30, – деді облыс әкімі Асайын Байханов облыстық қоғамдық кеңестің отырысында.

Өткен жылы облыстың үш қаласындағы автопарктер үлкен класты 130 жаңа төменгі қабатты автобус сатып алған болатын. Облыстың қалалары мен 44 ауылында 722 шақырым жол жөнделді. Енді жолдың 94 пайызы нормаларға сәйкес келеді.

Облыс орталығының әуе айлағы да жаңартылады – әуежайдың өткізу қабілетін сағатына 400 жолаушыға дейін арттыра отырып, ұшу-қону жолағы мен аэровокзал ғимараты қайта жаңартылады. Қаражат республикалық бюджеттен бөлінеді.

Көптеген жылдар ішінде алғаш рет теміржол вокзалы саяхатшылардың өтініші бойынша күрделі жөндеуден өтті. Жөндеуді аяқтау 2024 жылдың наурызына жоспарланған.

Естеріңізге сала кетейік, трамвай қатынасы Қазақстанның үш қаласында ғана сақталған. Павлодардан басқа, тек Өскемен мен Теміртау ғана экологиялық таза көлік жүреді.