Қатысушыларды бірнеше номинация күтуде, деп хабарлайды @Pavlodarnews.kz тілшісі.

23 қыркүйек күні «Балалар-жасөспірімдер экология және туризм орталығы» КМҚК базасында «Жас экорепортер» атты қалалық экологиялық байқаудың кезеңі ұйымдастырылады.

– Байқаудың негізгі мақсаты – оқушылардың экологиялық дүниетанымын қалыптастырып, қоршаған ортаны қорғауға деген жеке жауапкершілік сезімін арттыру. Сонымен қатар, бұл іс-шара туған өлкенің өзекті экологиялық мәселелеріне назар аудартуға бағытталған, – деді ұйымдастырушылар.

Жарысқа барлық үлгідегі білім беру мекемелерінің 8–10-сынып оқушылары қатыса алады. Байқау келесі үш номинация бойынша өтеді: «Елдегі және менің елді мекенімдегі табиғатты қорғау: проблемалар және шешу жолдары», «Жасыл аймақтардың экожүйе мен адам өмірі үшін маңызы» және «Экологиялық қауіпсіздік адам денсаулығы мен қоғамның негізі ретінде».

– Қатысушылар өздерінің зерттеулері мен журналистік ұстанымдарын, сондай-ақ өңірдегі экологиялық жағдайды жақсарту бойынша бақылаулары мен ұсыныстарын көрсетуі тиіс, – деді қалалық білім беру бөлімінде.

Ұйымдастырушылар бұл байқаудың жастар арасында экологиялық сауаттылық пен әлеуметтік жауапкершілікті тәрбиелеуде маңызды қадам болатынына сенімді. 

Байқау 23 қыркүйек күні сағат 10:00-де Лесозавод шағын ауданы, Потапов көшесі, 7-үй мекенжайы бойынша ұйымдастырылады.