Павлодарда жағалауда өрт болды
Онда құрғақ шөп пен мамық жанды, деп хабарлайды @Pavlodarnews.kz.
Бұл туралы облыстық төтенше жағдайлар департаментінің баспасөз қызметі мәлімдеді.
- Бұл туралы 101 пультіне сағат 17:55-те хабарлама келіп түсті. Онда Естай көшесіндегі жағалауға түсетін жерде өрт шыққаны туралы айтылды, - делінген хабарламада.
Өрт сөндірушілер оқиға орнына барғанда құрғақ шөп пен мамықтың жанып жатқанын анықтады.
Өрт жалпы ауданы 600 шаршы метр жерді шарпыған. Тілсіз жауды оқшаулау сағат 18:14-те іске асты. Ал жалын толықтай 18:31-де өшірілді.
Оқиға орнына МӨС-1 бір техника мен 5 қызметкер жұмылдырылды.
Өрттің шығу себебі анықталады.
Посмотреть эту публикацию в Instagram
