37 жастағы ер адамның жағдайы ауыр, деп хабарлайды  @Рavlodarnews.kz.

Облыстық полиция департаменті баспасөз қызметінің мәліметінше, 12 шілде күні сағат 20.15-те Қамзин-Амангелді көшелерінің қиылысында «Лада» мен скутер соқтығысқан. 

–  Жол-көлік оқиғасы салдарынан скутердің жүргізушісі ауруханаға жарақатпен жатқызылды. Аталған факті бойынша тексеру жүргізіледі, – деді департаментте. 

Облыстық жедел жәрдем станциясында жедел жәрдем көлігі оқиға орнына алты минутта жеткенін хабарлады. 37 жастағы ер адам бірінші қалалық ауруханаға ауыр жағдайда жеткізілді.

Облыстық денсаулық сақтау басқармасының ақпараты бойынша, жағдайы өте ауыр деп бағаланады. Жансақтау бөлімінде жатыр.