Ол экологиялық көрсеткіштердің жақсаруына жол ашады, деп хабарлайды @Pavlodarnews.kz тілшісі. 

«Павлодарэнерго» АҚ-ның мәлімдеуінше, Павлодар ЖЭО-2-дегі №5 қазан агрегатына күрделі жөндеу жұмыстары жүргізілуде. Бұл жұмыстар жабдықтың 2026–2027 жылдардағы жылыту маусымында тұрақты жұмысқа дайындауға бағытталған.

Қазан агрегатында қыздыру беттерін ауыстыру және үшінші буындағы батареялық аккумуляторларды қайта жаңғырту жұмыстары жүргізілуде. Жаңарту жабдықтың тозуын азайтып, атмосфераға шығарындыларды қысқартуға мүмкіндік береді.

– Қазан агрегатының негізгі элементтерін ауыстырып, қосалқы жүйелерді жаңғыртып жатырмыз. Бұл жабдықтың сенімділігін және оның экологиялық көрсеткіштерін арттырады, – дейді ЖЭО-2 қазан цехы пайдалану жөніндегі бастығының орынбасары Борис Камалетдинов.

Атқарылып жатқан жұмыстар алдағы жылыту кезеңінде қазан агрегатының тұрақты әрі үздіксіз жұмысын қамтамасыз етеді.

Айта кетелік, жөндеу жұмысына мердігер ұйымдардың 120 маманы тартылған.