Иттің иесіне әкімшілік шара қолданылды, деп хабарлайды  Рavlodarnews.kz.

Облыстық полиция департаменті баспасөз қызметінің мәліметінше, 17 сәуірде «102» операторының пультіне ер адам телефон шалып, Торайғыров көшесі, 6-шы үйдегі дәмхананың жанында әйел үлкен итті қарғыбаусыз және тұмылдырықсыз серуендетіп жүргенін, иттің қабаған екенін айтқан. 

– Аталған аулаға келген  тәртіп сақшылары иттің иесіне ҚР ӘҚБтК-нің 408-бабы бойынша әкімшілік хаттама толтырып, айыппұл салды.  Санитарлық нормаларды сақтамайтын және көршілеріне ыңғайсыздық тудыратын үй жануарларының иелеріне қатысты шағым қоңыраулар түседі. Мұндай жағдайларда иелері санитарлық-гигиеналық талаптарды сақтауға міндетті, олай болмағанда 10-нан 20 АЕК-ке дейін айыппұл төлеуге тура келеді, – деді департаментте.

Тәртіп сақшылары келесі ережелерді сақтау керек екені жайлы ескертеді: 

Егер иесі ғимараттың ішінде болса, ит басқа адамдарға қауіп төндірмесе,  ғимараттың жанында тұмылдырықта және қысқа қарғыбаумен  қалдыруға рұқсат етіледі. Бұл жағдайда ит адамдардың және көліктің өтуіне кедергі келтірмеуі керек. Сондай-ақ иттерді қоршалған аумақта ұстау қажет.

Егер үйдегі иттің немесе басқа үй жануарларының үруі көршілердің тыныштығын бұзса,  сол жануардың иесі жауапқа тартылуы мүмкін.