Қатты дауыл салдарынан электр желілерінде ақау анықталды, деп хабарлайды @Pavlodarnews.kz.

Облыстық төтенше жағдайлар департаментінің мәліметінше, 8 маусымда электр қуаты өшірілгені туралы екі хабарлама түскен. Генерал Дүйсенов көшесі, 22/1 бойынша педагог қызметкерлердің біліктілігін арттыру институты және Лермонтов көшесі, 50/1 бойынша полиция департаментінің ғимараты жарықсыз қалды.

Электр желілеріндегі зақымдануды төрт сағат ішінде ретке келтіру жоспарланып отыр. 

Естеріңізге сала кетейік,  қатты жел Екібастұз ГРЭС-2 ғимаратының шатырын жартылай жұлып әкеткен болатын. Станцияның әкімшілік-тұрмыстық кешеніндегі шатырдың бір бөлігі бұзылған.