Мерекелер алдында жолаушылар үшін орын санын арттыру үшін жағдай жасалуда, деп хабарлайды @Pavlodarnews.kz.

«Қазақстан темір жолы» ҰК» АҚ баспасөз қызметінің мәліметінше, 13 желтоқсаннан бастап қосымша электр пойыздары іске қосылады:

«Қарағанды-Астана-Бурабай курорты» электрпойызы жұма, сенбі және жексенбі күндері қатынайды. 

«Павлодар-Астана-Бурабай курорты» электрпойызы аптасына үш рет, яғни жұма, сенбі және жексенбі күндері жүреді.

Қосымша пойыздар жолаушылар үшін қолайлы орын санын арттырып, көрсетілген бағыттар бойынша билеттердің қолжетімділігін қамтамасыз етеді.

Сондай-ақ, Ұлттық тасымалдаушы жолаушылар сұранысын қанағаттандыру мақсатында Тәуелсіздік күні мен Жаңа жыл мерекесіне орай қосымша пойыздарды іске қосады. Олар «Астана-Алматы», «Астана-Шымкент», «Ақтөбе-Астана» бағыттарды бойынша қатынайды. Барлық пойыздарда купе және плацкарт вагондары бар.

Билеттерді bilet.railways.kz сайтынан немесе вокзал кассаларынан алуға болады.

Қосымша ақпаратты «1433» тегін нөмірі немесе ресми Instagram @jolaushylar_tasymaly парақшасы арқылы білуге болады.