Өрт-тактикалық оқу-жаттығу ұйымдастырылды, деп хабарлайды @Pavlodarnews.kz.

Павлодар қаласының №4 өрт сөндіру бөлімінің мәліметінше, 19 наурызда түнгі өрт-тактикалық оқу-жаттығулар өтті. Сценарийге сәйкес, Ш. Айманов атындағы кинотеатрындағы киноаппараттық бөлмеде өрт шықты. 

Оқу-жаттығуға 11 өрт сөндіру техникасы, 57 қызметкер, апаттар медицина орталығының 3 қызметкері, 2 полиция қызметкері, кинотеатр әкімшілігінің 4 өкілі, 5 статист қатысты. 

Оқу-жаттығу барысында 48 адам өздігінен эвакуацияланды. Өрт сөндірушілер «Фенист» құрылғысының көмегімен 3 зардап шеккен адамды құтқарды.

Бұл оқу-жаттығулар төтенше жағдайлар кезінде әртүрлі қызметтердің өзара әрекеттестігін жетілдіруге, олардың дайындығын тексеруге және қала тұрғындарының қауіпсіздігін арттыруға мүмкіндік берді. Мұндай жаттығулар апаттардың алдын алу мен жедел әрекет етудің маңызды бөлігі болып табылады.