Сайысқа қатысу тегін, деп хабарлайды @Pavlodarnews.kz тілшісі.

Хакатон – бұл IT әуесқойлары қысқа мерзімде және тоқтаусыз белгілі бір технологиялық мәселені шешетін жарыс. Ұйымдастырушылардың айтуынша, биыл елдегі ең ірі мультилокациялық хакатон Decentrathon 2.0 – 17 аймақты қамтиды. Былтырғы жылы Decentrathon 1.0 елдің 12 аймағында өтіп, оған 1560 IT-мамандары қатысты.

Торайғыров университеті баспасөз орталығының мәліметінше, ауқымды іс-шара 18-19 қазан күндері өтеді. Хакатон аясында қатысушыларды дағдыларды жетілдіріп, жаңа деңгейге шығу мүмкіндігі, үздік серіктестерден оффер алу мүмкіндігі және портфолионы толықтыратын ерекше кейс және бас жүлде – 50 мың АҚШ доллары күтеді.

Жарысқа ниеттілер төрт бағыт бойынша қатыса алады: GameDev, Blockchain, AI, Telegram mini-apps.

Жарысқа жалғыз да, командамен де қатысуға болады, бірақ бір командада төрт адамнан артық болмауы керек. Командаластарды және байқау анонстарын telegram-чатта тауып алуға болады.

– Қабілеттеріңді көрсетіп, бас жүлдеге таласатын кез келді! Дереу тіркеліп, есіміңді тарихта қалдыр! – дейді жоба серіктестерінің бірі – Astana Hub IT-стартаптардың халықаралық технопаркінде.

Сайыс еліміздің 17 өңірінде офлайн және онлайн түрде ұйымдастырылады. Павлодарда офлайн түрде дода Торайғыров университетінің 4-қабатында «Computer science» факультетінде өтеді. Жарысқа тіркелу үшін сілтеме арқылы өту керек.