Куәгерлер іздестірілуде, деп хабарлайды @Pavlodarnews.kz.

Мәшһүр Жүсіп пен Теплов көшелерінің қиылысында Nissan маркалы көлігі мен жедел жәрдем соқтығысты.

– Біз апат куәгерлерін, сондай-ақ шындықты анықтауға көмектесетін көліктегі видеожазбаларды іздейміз. Жедел жәрдем жүргізушісі жыпылықтаған жасылға бара жатқанын айтады, бірақ қауіпсіздік камералары оның қызыл түс кезінде өтіп кеткенін тіркеді,– деп жазды әлеуметтік желіде ЖКО қатысушыларының бірі. 

Облыстық жедел жәрдем баспасөз қызметінде фельдшерлерден ешкім зардап шекпегенін және медициналық көмек қажет болмағанын мәлім етті. Ал өз бетінше №1 қалалық ауруханаға жүгінген Nissan көлігінің жолаушысында омыртқаның компрессиялық сынуы анықталды. 

– Hyundai жүргізушісі Теплов көшесінің қиылысында Nissan Prairie көлігімен соқтығысып, бағдаршамға соғылды,– деді облыстық полиция департаментінде. 

Жедел жәрдем станциясында тергеу қорытындысы бойынша 103 қызметінде тәртіптік шара қолданылатыны туралы айтылды.