Астанада 1-30 сәуір аралығында өткен қоғамдық-гуманитарлық бағыттағы пәндер бойынша республикалық олимпиаданың қорытындысы шығарылды, деп хабарлайды @Pavlodarnews.kz.

Биылғы Қостанай қаласында республикалық олимпиада қазақ тілі мен әдебиеті, орыс тілінде оқытатын мектептерде қазақ тілі, Өскемен қаласында Қазақстан тарихы және құқық негіздері, Астана қаласында орыс тілі мен әдебиеті, қазақ тілінде оқытатын мектептерде орыс тілі, ағылшын тілі, неміс тілі, француз тілі пәндерінен жаңа форматта өтті.

Павлодар облысы оқушыларының құрама командасы 22 медаль жеңіп алып, бірінші жалпы командалық орынға ие болды. Сондай-ақ, оларға «Үздік олимпиадалық команда – 2024» сертификаттары берілді. Павлодарлық оқушылардың есебінде төрт алтын, алты күміс және он екі қола медаль бар.