Бұл қауіпсіздік үшін орнатылуда, деп хабарлайды @Pavlodarnews.kz.

Қала әкімі Хасар Хабылбеков трамвай басқармасында болып, келесі жылға жоспарланған жұмыстармен танысты.

– Қаланың кәсіпорындарын үнемі тексеріп тұрамын. Кәсіпорынның жылжымалы құрамы 110 вагоннан тұрады. Күн сайын кесте бойынша 70-80 трамвай жолаушы тасымалдауға шығып, шамамен 45 мың жолаушыға қызмет көрсетеді, – деп жазды Хасар Хабылбеков өзінің Instagram парақшасында.

Трамвай басқармасында техниканы күтіп ұстау және жөндеу  және 500-ге жуық қызметкер үшін қолайлы еңбек жағдайы жасалған. Әлеуметтік қолдау шаралары да ұйымдастырылған.

– 2022 жылдан бастап павлодарлық трамвайшылар қауіпсіздік пен жайлылықты қамтамасыз ету мақсатында дыбыссыз өткелдер орнатумен айналысып келеді. Бүгінгі таңда олардың саны 39-ға жетті, ал келесі жылы тағы сегіз өткел орнатылады, – деді қала әкімі.

Облыс әкімі Асайын Байхановтың тапсырмасы бойынша «Достық» шағын ауданына жаңа трамвай желісін салу жоспарлануда. Бұл жоба бойынша жобалық-сметалық құжаттама қазір мемлекеттік сараптамадан өтуде. Барлық келісу рәсімдері аяқталғаннан кейін ауқымды жобаны іске асыру үшін бюджетке өтінім беріледі.

Посмотреть эту публикацию в Instagram

Публикация от Хасар Хабылбеков (@khassarkhabylbekov)