Бұл сайыста бишілердің қоржыны екі алтын және екі бас жүлдемен толықты, деп хабарлайды @Pavlodarnews.kz.

«Жұлдыздар» заманауи би студиясы «Би өнері» көп жанрлы облыстық байқау-фестиваліне қатысты. Би ұжымы «Хореография» жанрына, «Эстрадалық би», «Халықтық стильдендірілген би» және «Заманауи би» аталымдары бойынша бақ сынады.

Байқау қорытындысы бойынша,  бишілер «Эстрадалық би» номинациясында «Пробуждение» қойылымы үшін VIP бас жүлде, «Заманауи би» номинациясы бойынша «Арлекино» биімен бас жүлде, «Мир без войны» биімен  1-орын, «Халықтық стильдендірілген би» номинациясы бойынша 1-орынды иеленді. 

– Ешқандай конкурстарға немесе заманауи хореографиялық фестивальдерге қатыспайтын бірде-бір биші жоқ. Бұл көпшілік алдында өнер көрсетудің тамаша тәжірибесін береді. Басқа би топтарымен немесе бишілермен тәжірибе алмасуға көмектеседі, – деп атап өтті бөлім меңгерушісі Жанар Қалтаева.