Қалалық Назарбаев зияткерлік мектебі 10 жылдығын тойлауда, деп хабарлайды @Pavlodarnews.kz.

Павлодар қаласы химия-биология бағытындағы Назарбаев зияткерлік мектебінің директоры Думан Сапақовтың айтуынша, веложарыс салауатты өмір салтының ерекше құрамдас бөлігі. Жарыс арқылы велоспорт түрін және экологиялық көлік түрін қолдану насихатталады.

–Біздің мақсатымыз– қоғамға осындай құндылықтарды сіңіріп, балаларымызға жеткізу,– деді мектеп директоры.

Веложарыс мектептен басталып, облыс орталығының жағалауында аяқталды. Велосипедистшілер –зияткерлік мектептің оқушылары мен олардың ата-аналары, мұғалімдері болды. Олар төрт шақырым қашықтықты велосипедпен өткен.

Думан Сапақов мектептің он жыл ішінде зияткерлік мектептен 808 түлек шыққанын мәлімдеді.

–Олардың 100%-ы жоғары оқу орындарына түсті. 146 түлек Назарбаев университетінде білім алып жатыр, ал 500-ден астамы Қазақстанның үздік жоғары оқу орындарына түсті,– деді мектеп директоры.

Оның сөзінше, Назарбаев зияткерлік мектебі пәндік олимпиада бойынша республикада екінші орында. Балалар әлемдік жарыстарда озып, алдыңғы қатарда жүр.