Бұл сұрақтың орындалуы қарастырылады, деп хабарлайды @Pavlodarnews.kz.

Аймақ басшысы Асайын Байханов азаматтарды жеке мәселелері бойынша қабылдады.

Облыс тұрғындары өңір басшысына бірқатар әлеуметтік маңызы бар және инфрақұрылымдық мәселелермен жүгінді.

Азаматтардың өтініштері арасында жер қатынастары, тұрғын үй жағдайын жақсарту, атаулы әлеуметтік көмекті тағайындау мәселелері, сондай-ақ Павлодар қаласының «Шығыс» шағын ауданында футзалға арналған ғимарат салу бойынша кәсіпкердің бастамасы болды. Өтініш иелеріне тұрғын үй кезегі, инженерлік коммуникацияларға қосылу және басқа да мәселелер бойынша түсіндірмелер берілді.

Жеке қабылдаудың қорытындысы бойынша облыс әкімі уәкілетті мемлекеттік органдарға көтерілген мәселелерді қолданыстағы заңнама аясында шешудің ықтимал нұсқаларын пысықтауды тапсырды. Қосымша қарауды талап ететін өтініштер бақылауға алынды.

Жеке қабылдауға eGov порталы, E-otinish.kz платформасы, сондай-ақ әкімдіктің WhatsApp желісі (+7 702 166 16 61) арқылы жазылуға болатынын еске саламыз.