Астанада шахматтан Қазақстан чемпионатының финалы аяқталды, деп хабарлайды @Pavlodarnews.kz.

Қазақстан шахмат федерациясының мәліметінше, ерлер арасындағы алтын медаль тай-брейкте шешілді: 24 жастағы павлодарлық шахматшы Денис Махнёв астаналық шахматшы Жандос Ағмановты жеңіп, екінші рет Қазақстан чемпионы атанды. 

Әйелдер арасында 18 жастағы астаналық Әмина Қайырбекова 12 турдан 9½ ұпай жинап, чемпиондық атақты мерзімінен бұрын жеңіп алды. Бұл – Аминаның 11 жасынан бері қатысып келе жатқан ел чемпионаты финалындағы алғашқы алтыны. 

Еске сала кетейік, қараша айында Алматыда өткен Қазақстан Кубогының финалдық кезеңінде Денис Махнев 2022 жылғы Қазақстан чемпионы Рамазан Жалмахановты 4–2 есебімен жеңіп, чемпион атанған болатын. Павлодарлық гроссмейстер ерлер арасындағы жеңімпаз атанып, бес миллион теңге ұтты