Фестивалге әлемнің 34 елінен 3 пен 18 жас аралығындағы мыңдаған балалар мен жастар қатысты, деп хабарлайды @Pavlodarnews.kz.  тілшісі.

ҚР Мемлекеттік орталық музейінде Қазақстандық Ұлттық ЮНЕСКО клубтарының Федерациясы ұйымдастырған «THE PLANET OF ART – 2024» халықаралық жастар фестивалінің финалистер мен жоба жеңімпаздарының жұмыстарының көрмесі, сондай-ақ жеңімпаздарды марапаттау рәсімі ұйымдастырылды. Фестивальға әлемнің 34 елінен 3 пен 18 жас аралығындағы мыңдаған балалар мен жастар өздерінің әлемдік мұра нысандарын көрсететін жұмыстарын ұсынды.

Аталмыш іс-шараға өңірімізден үш жас қатысып, өздерінің таланттарын әлемдік мықтылардың қаралымына ұсынды.

–   Мені іс-шараның ауқымы таң қалдырды, барлығы жақсы ойластырылған. Шымбұлақ тау курортына, Көк төбеге, Жүргенов атындағы Қазақ ұлттық өнер академиясына бардық, – дейді фестивальға қатысушы Нәби Сұлтанбейбарыс.

Ол мамыр айында конкурсқа дайындаған жұмысын тапсырып, артынан жоба жеңімпаздары жұмыстарының көрмесіне шақырту алыпты.

–   Бес жасымнан бастап сурет салуды үйрететін мектепке барамын. Үйрену барысында жақсы нәтижелер мен жақсы көрсеткішкер көрсетете алдым. Менің, оқытушыларымның қажырлы еңбегінің және ата-анамның қолдауының арқасында финалист болдым, – дейді талантты жас.

Талапкер баланың талмай еңбектенуінің арқасында жұмыстары Париж қаласында өтетін көрмеге жолдама алды.