Достық үйінде павлодарлық «Жастар Ассамблеясы» көшбасшыларының республикалық ұйымының төрағасымен кездесуі ұйымдастырылды, деп хабарлайды @Pavlodarnews.kz тілшісі.

Тимур Жұмырбаев Павлодар облысында ҚХА аға әріптестерінің тәлімгерлігі мен қолдауының ерекше екендігін атап өтті.

Оның айтуынша, осындай қолдаудың арқасында жастар қанаты қарқын алып, ірі және сапалы жобаларды жүзеге асыруда. 

Атап айтқанда, өткен жылы Павлодар қаласының №24 ЖОББМ-де ашылған Қазақстан халқы Ассамблеясының бірінші сыныбы, сондай-ақ биылғы жылы  ҚР Конституциясы күні және жаңа оқу жылы қарсаңында мектепте ашылған Минир Хамитұлы Галеев атындағы қазақ тілі мен әдебиеті сыныбы. Минир Галеев – көптеген жылдар бойы татар-башқұрт этномәдени орталығын басқарған облыстық ҚХА негізін қалаушылардың бірі.

Тимур Жұмырбаев өңірлік ҚХА активімен, жастар бірлестіктерінің өкілдерімен әрбір кездесу Ассамблеяның барлық өзекті мәселелері бойынша сағаттарды салыстырып тексерудің кезекті мүмкіндігі екендігін айтты.

Республикалық «Жастар Ассамблеясының» төрағасының сөзінше, геосаяси сәттерді, қазіргі турбуленттілікті, елдегі қоғамдық-саяси өзгерістерді ескере отырып, ҚХА рөлі мен оның мүшелерінің қызметі ерекше маңызға ие.

2025 жылы ҚХА 30 жасқа толады. Осыған орай, ондаған имидждік іс-шаралар жоспарлануда. Сондай-ақ, мемлекеттік және қоғамдық марапаттар табыс етіледі, Қазақстан халқы Ассамблеясының антологиясы жарыққа шығады, конкурстар мен форумдар күтілуде.

Қазіргі таңда Ассамблея трансформацияның жаңа кезеңінде. Оған жаңа тұлғалар қажет. Сондықтан ҚХА Көшбасшылар мектебі жобасына бастама берілді. 

Айта кетейік, «Жастар Ассамблеясы» өткен жылы республикадағы ең белсенді жастар ұйымы болып танылды. Бұл жетістікте павлодарлықтардың да еңбегі бар. Облыстық «Жастар Ассамблеясының» төрағасы Рамиль Смайыловты облыстық ҚХА төрағасының Қоғамдық орынбасары – облыс әкімі Асайын Байханов тағайындағаны бекер емес.