Іс-шара ауданның сегіз ауылдық округінің өкілдерін біріктірді, деп хабарлайды @Pavlodarnews.kz. 

Ауданның балалар мен жасөспірімдер спорт мектебінде ардагерлерге арналған спартакиада ұйымдастырылды. Қатысушылар адам жасы белсенді өмір салты мен спортқа деген құштарлыққа кедергі емес екенін көрсете білді. Олар шахматта, тоғызқұмалақта, үстел теннисінде сынға түсті, сондай-ақ баскетбол себетіне дәлдеп доп лақтырудан жарысты. Қатысушылар жоғары дайындық деңгейі мен шынайы бәсекелестік рухын көрсетті. 

Ұйымдастырушылар спартакиаданың негізгі мақсаты аға буынның денсаулығын сақтау, оларды дене шынықтыру және спортпен жүйелі түрде айналысуға тарту, сондай-ақ достық қарым-қатынасты нығайту екенін атап өтті.    

Аудандық ардагерлер кеңесінің төрағасы Сәуле Ахметованың сөзінше, мұндай іс-шаралар ардагерлерге достарымен бірге бос уақытты тиімді өткізуге көмектеседі. 

– Мұндай оқиғалар адамдарды жақындастырады, жігерлендіреді, қуат пен күш береді. Спартакиадалар ауданымыздың игі дәстүріне айналады деп үміттенеміз, – деп атап өтті Сәуле Ахметова. 

Жеңімпаздар мен жүлдегерлерге Құрмет грамоталары мен медальдар табысталды. Ұйымдастырушылар ардагерлерге зор денсаулық пен табыс тіледі.