Тәртіп сақшылары «Жолдағы қабылдауды» онлайн форматта өткізді, деп хабарлайды @Pavlodarnews.kz тілшісі. 

Республикалық «Жолдағы қабылдау» акциясы Павлодар облысында да өтті. Бұл жолы шара қаланың көшелерінен онлайн кеңістікке ауыстырылды. Әкімшілік полиция және қоғамдық қауіпсіздік қызметінің қызметкерлері тұрғындардың мәселелерін жедел шешу үшін тікелей эфирге шықты.

«Сұрақ-жауап» форматы екібастұздықтарға күнделікті істерінен қол үзбей-ақ қажетті кеңестер алуға мүмкіндік берді. Көтерілген мәселелер әртүрлі салаларды қамтыды — жол қозғалысы ережелерінен бастап құқықтық мәселелерге дейін.

Әрбір өтінішке полиция қызметкерлері жан-жақты әрі кәсіби жауап берді. Маңыздысы, эфир тек шағым айту алаңы ғана емес, сонымен қатар конструктивті ұсыныстар айтылатын платформаға айналды — тұрғындар жол қауіпсіздігін жақсарту бойынша өз идеяларымен белсенді бөлісіп, тәртіп сақшыларының ашық жұмысына алғыс білдірді.

— Біздің мақсатымыз — халықпен 24/7 байланыста болу. Онлайн-қабылдау әрбір азаматтың үнін естіп, дәл осы сәтте нақты көмек көрсетуге мүмкіндік береді, — деп атап өтті полиция қызметкерлері.

Мұндай кері байланыс форматының сұранысқа ие екені дәлелденді. Тікелей байланыс полицияға өңірдегі өзекті мәселелерді жедел анықтап, қоғам сұранысына нақты уақыт режимінде жауап беруге мүмкіндік береді.