Тәртіп бұзушылар оларды рейд барысында анықтады, деп хабарлайды @Pavlodarnews.kz тілшісі.

Павлодарда төтенше жағдайлар департаментінің қызметкерлері қоғам қайраткерлерімен бірлесіп Усолка өзенінде түнгі рейд жүргізді. Рейд мақсаты – түнгі мұзда балық аулауға тыйым салуды бұзуды тоқтату және су айдындарында оқыс оқиғалардың алдын алу.

– Тексеру барысында екі заң бұзушы анықталып, әрқайсысы 27 524 теңге айыппұл түріндегі әкімшілік жауапкершілікке тартылды, – деді департаментте.

Рейдке қатысушылар азаматтарға су айдындарында, әсіресе мұздың еру кезеңінде қауіпсіздік ережелерін сақтаудың маңыздылығын еске салды. Сондай-ақ, құтқарушылар тұрғындарды мұзға шықпауға шақырды.

Қылмыстың алдын алу, қоғамдық қауіпсіздікті қамтамасыз ету мақсатында мұндай іс-шаралар тұрақты түрде өткізілетін болады.