Түркиядағы Баллыджа үңгірінің жасы шамамен 3,5 млн жыл, деп хабарлайды Kazinform Euronews-ке сілтеме жасап.

Бірақ көпшіліктің оған деген шынайы қызығушылығы жақында, табиғат ескерткішін ЮНЕСКО атап өткеннен кейін оянды.

2024 жылы үңгірге 90 мың адам келген. Түркияның солтүстігіндегі Токат провинциясындағы Баллыджа үңгірі немесе бал үңгірі осы жылы мұнда жасырылған ғажайыптар - сталактиттер мен сталагмиттерді көру үшін 90 мың туристі тартты. Олар шамамен 3,5 млн жыл бойы карстық кристалданған әктастардан пайда болды. Осы уақыт ішінде үңгір тік және көлденең өсті. Геологиялық тұрғыдан ол әлі де белсенді, яғни дамып келеді, ғалымдар мұндағы көптеген құдықтар, қоймалар мен шұңқырларды әлі де зерттеп келеді.

Үңгір 1993 жылы ашылды, бір жылдан кейін егжей-тегжейлі жоспары құрылып, көп ұзамай туристер кіргізіле бастады. Бұл жердің нағыз танымалдылығы үңгір ЮНЕСКО-ның Бүкіләлемдік мұра нысандарының алдын ала тізіміне енгізілгеннен кейін басталды. Оның астында ерекше микроклимат бар, температура 17-ден 24 градусқа дейін ауытқиды, ал ауасы оттегіге бай, бұл өкпе ауруы бар адамдарға пайдалы.