Әр командада бес адам болуы керек, деп хабарлайды @Pavlodarnews.kz тілшісі.  

Павлодарда ерекше спорттық-экологиялық акция – «Жасыл кросс – 2025» өтеді. Бұл шараның мақсаты – тұрғындарды салауатты өмір салтына баулу ғана емес, сонымен қатар, табиғатты қорғауға нақты үлес қосуға шақыру.

– Әлемде кең таралған жаңа үрдіс – плоггинг. Ол Швецияда пайда болған және бүгінде көптеген елдерде танымал. Плоггингтің ерекшелігі – қатысушылар жүгірумен қатар жол бойындағы қоқысты жинайды. Осылайша әр қадам табиғатты таза ұстауға бағытталады, – дейді ұйымдастырушылар.

Қатысушыларға ыңғайлы болу үшін қажетті құралдар –  арнайы қолғаптар, қоқыс салатын қаптар, жеңіл тағамдар тегін беріледі. 

Сонымен бірге, ең белсенділерге сыйлықтар мен мотивациялық марапаттар табысталады.

Шара Усолка шағын ауданы, автокөпір маңында 27 қыркүйек күні, сағат 11:00-де басталады. 

Әр командада бес адамнан аспауы тиіс. Қатысушылардың барлығы алдын ала тіркелуі қажет. Тіркелу үшін 10:00-де келу міндетті.

Шараға қатысу үшін мына телефон нөміріне байланысқа шығу жеткілікті: 87002945464