Облыс әкімі Асайын Байханов  жалған жарнама таратушыларды анықтауды тапсырғанын мәлімдеді, деп хабарлайды @Pavlodarnews.kz тілшісі.

Аймақ басшысы соңғы кезде Инстаграм әлеуметтік желісінде  өзінің суреті бейнеленген заңгерлік кеңестер беру туралы жарнаманың скриншоттарын жіберіп жатқанын атап өтті.

- Әрине, менің аты-жөнім Жақсылықов Ерасыл емес, мен ешқандай тегін заңгерлік кеңес бермеймін. Сондықтан мен өзімнің заңгерлеріме осы жарнама туралы анықтауды тапсырдым, - деді Асайын Байханов.

Облыс әкімі инстаграмда осындай жарнаманы кезіктірген жазылушыларына сол жарияланымға шағым жасауға шақырды.