Синоптиктер болжам жасады, деп хабарлайды @Pavlodarnews.kz тілшісі.

Ай бойынша орташа ауа температурасы +10,8…+13,6° С шамасында болады деп күтілуде. Бұл көрсеткіш облыстың солтүстік-батыс бөлігінде нормаға жуық болса, оңтүстік-шығысында нормадан 1° С төмен болады (норма: +11,3…+12,9°С).

Бірінші онкүндіктің алғашқы жартысында түнгі ауа температурасы +2…+7°С аралығында сақталады, топырақ бетінде 3°С дейін үсік жүруі ықтимал, облыстың оңтүстігінде +10…+15°С. Күндіз +12…+17°С-тан +17…+22°С-қа дейін жылы болады. Екінші жартысында ауа температурасы жоғарылап, түнде +7…+12°С, күндіз +19…+24°С дейін көтеріледі.

Екінші онкүндіктің алғашқы күндері түнде +7…+12°С-тан +2…+7°С-қа дейін төмендеп, топырақ бетінде 3°С дейін үсік күтіледі. Күндіз +19…+24°С-тан +14…+19°С аралығында болады. Кейінірек ауа температурасы тағы төмендеп, түнде 0…+5°С, топырақ бетінде 3°С дейін үсік болады. Күндіз +10…+15°С шамасында күтіледі. Онкүндіктің соңында қайта жылып, түнде +3…+8°С, күндіз +14…+19°С болады.

Үшінші онкүндігінің алғашқы күндері түнде +6…+11°С-тан -1…-6°С-қа дейін төмендеуі ықтимал, облыстың оңтүстігінде +3°С. Күндіз +16…+21°С-тан +8…+13°С-қа дейін салқындайды. Кейін қайтадан жылып, түнде +6…+11°С, күндіз +16…+21°С болады.

Айта кетерлігі, ай бойынша жауын-шашын мөлшері норма шамасында болады (норма: 18–26 мм). Жаңбыр айдың бірінші жартысында және үшінші онкүндіктің басында жиі жауады.

Бұдан бөлек, желдің екпіні 15–20 м/с дейін күшеюі бірінші онкүндікте, екінші онкүндіктің басында, сондай-ақ үшінші онкүндіктің басы мен ортасында жиі байқалады. Айдың басында тұман түсуі ықтимал.